Shule nyingine yaungua moto Manyara


Kamanda wa Polisi, Mkoa wa Manyara, Francis Massawe.


MATUKIO ya kuteketea kwa moto mabweni ya wavulana katika shule za sekondari zilizoko Kanda ya Kaskazini yanazidi kushika kasi.

Juzi, moto uliteketeza bweni la Shule ya Sekondari ya Wavulana Aldersgate, iliyopo wilayani Babati, Mkoa wa Manyara.

Kuteketea kwa bweni hilo ni mwendelezo wa matukio ya aina hiyo baada ya shule kadhaa kuteketea katika mikoa ya Arusha na Manyara.

Tukio la hivi karibuni ni la Shule ya Sekondari Mulbadaw iliyopo wilayani Hanang, ambayo mabweni yake yaliteketea kwa moto na kuharibu mali zote za wanafunzi shuleni hapo.

Katika tukio la Shule ya Sekondari ya Wavulana Aldersgate, moto ulitokea juzi saa tatu usiku wakati wanafunzi wakiwa madarasani.

Hata hivyo, taarifa zilizopatikana kutoka kwa walimu na wanafunzi ambao hawakutaka kutaja majina yao, zinasema inawezekana chanzo cha moto huo ni hitilafu ya umeme.

Kamanda wa Polisi, Mkoa wa Manyara, Francis Massawe, alithibitisha kutokea kwa tukio hilo na kusema moto huo ulizimwa na kikosi cha zimamoto baada ya muda mfupi tangu ulipoanza kuwaka.

“Hata hivyo, tutawahoji walinzi wawili wa shule hiyo pamoja na patroni wa shule hiyo kwani hao ndio tunaoamini watatoa picha halisi ya tukio hilo,” alisema Kamanda Masawe.

Kwa upande wake, Mkuu wa Shule hiyo, Dillo Fredson, alisema tukio hilo limewasikitisha kwa kuwa limetokea katika kipindi ambacho baadhi ya wanafunzi wanajiandaa na mtihani wa taifa.

“Kuhusu thamani ya mali zilizoungua, bado tunaendelea kufanya uhakiki ili tuweze kuzijua na baadaye tutakaa na bodi ya shule kuona tunafanyaje,” alisema Mwalimu Fredson.

Ili kukabiliana na matukio ya moto, alisema wanaangalia uwezekano wa kubadilisha mfumo wa umeme kwa kufunga nyaya za sola ambazo haziwezi kusababisha madhara yoyote.

Comments

Post a Comment

Popular posts from this blog

UFUGAJI BORA WA KUKU WA KIENYEJI

Image
SEHEMU YA KWANZA UTANGULIZI Napenda kumshukuru mwenyezi Mungu ambaye ameniwezesha kwa namna moja au nyingine kutoa mchango wangu kwa mtindo huu. Huu ni kama mwongozo tu wa nini utakabiliana nacho au unatakiwa kufanya katika zoezi zima la ufugaji wa kuku wa kienyeji. Nimeamua kuuleta kwenu ili kwa mtu mwenye malengo ya kufanikiwa kupitia ufugaji wa kuku ajue mlolongo mzima na changamoto ambazo atakabiliana nazo. A.KWA NINI KUKU WA KIENYEJI? 1. Wastahimilivu wa magonjwa lakini ni muhimu wakikingwa na magonjwa ya kuku kama mdondo, ndui ya kuku n.k ili kuweza kuwaendeleza. 2. Wana uwezo wa kujitafutia chakula ardhini. 3. Wana uwezo wa kuatamia mayai, kutotoa na kulea vifaranga na ustahimilivu wa mazingira magumu kama ukame, baridi n.k 4.Nyama na mayai yake vina ladha nzuri kuliko kuku wa kisasa.( PATA SUPU YA KUKU WA KIENYEJI ILI UTHIBITISHE) 5. Wana uwezo wa kujilinda na maadui kama mwewe n.k . Pamoja na sifa hizi ni muhimu muhimu kuku hao wakapewa matunzo mazuri, wakawekwa kwenye mab
Read more

YANGA YAPATA PIGO, KIPA WAKE NAMBA MOJA DEO MUNISHI AFIWA NA BABA YAKE

Image
1Mlinda lango namba moja wa Yanga Deogratius Munishi ‘Dida’ amefiwa na baba yake mzazi leo mchana, imeelezwa. Kwa mujibu wa taarifa iliyoandikwa kwenye ukurasa wa Facebook wa Naipenda Yanga bado chanzo cha kifo cha baba mzazi wa kipa huyo hakijawekwa wazi Taarifa hiyo inaeleza hivi: “TANZIA…Uongozi wa yanga unasikitika kutangaza kifo cha baba yake na mlinda mlango wetu deogratius munishi ‘Dida’. Baba yake na dida amefariki leo mchana! Mungu ailaze roho yake mahali pema peponi! Msiba utakua mikoroshini.Pumzika kwa amani mzee wetu. POLE SANA DEO MUNISHI ‘Dida’.” Hata hivyo katika mchezo wa leo Dida amecheza kwa umahiri mkubwa na kuisaidia timu yake kupata clean sheet.
Read more

Kwa Nini Watu Wengi Wanaamini Uchawi Unaleta Mafanikio?

Image
Katika wiki mbili zilizopita tuliona uhusiano kati ya uchawi na mafanikio na pia kwa nini waganga wanaweza kuwasaidia wengine kuwa matajiri wakati wao ni masikini. Katika makala hizi tuliona ni jinsi gani hata wewe unaweza kutumia mbinu hizo za kisaikolojia bila hata ya kuwa mchawi na ukaweza kufikia mafanikio makubwa. Kama hukupata nafasi ya kusoma makala hizo bonyeza hizo link kuzisoma. Leo tutajadili kwa nini watanzania wengi wanaamini uchawi unaleta mafanikio. Kwa nini tunashuhudia mauaji ya vikongwe na albino yakiendelea? Kwa nini kila siku tunaona mabango ya waganga wakijinadi kuweza kuwapatia watu utajiri na bahati? Na kwa nini kwenye jamii kila anayeonekana kuwa na mafanikio makubwa anaambiwa ni freemason? Kuna sababu kubwa tano zinazosababisha watu wengi kuamini kwenye uchawi na ushirikina. 1. Mila na desturi. Katika makabila mengi ya kitanzania kwa muda mrefu kumekuwa na mila ambazo watu hufanya ibada tambiko. Pia makabila mengine yana asili ya imani hizi za uchawi hivy
Read more