Kama Unafikiri Umeshindwa Na Hauwezi Tena Basi Hii Ni Habari Njema Juu Ya Kushindwa Kwako


Mara nyingi tumekuwa tukipanga kufanya mambo mengi sana mengine tunafanikiwa na mengine yanashindikana. Tunapata furaha sana pale tunapofanikiwa na mara nyingi huwa tunaumia sana pale tunaposhindwa.

Sasa kama wewe umeshindwa kila mara na unaona sasa imetosha huwezi kujaribu tena naomba nikupe habari hii nzuri kuwa kushindwa ni mojawapo ya hatua za kufikia mafanikio ila kama tu utaona kushindwa kwako sio mwisho wako.

THUBUTU KUJARIBU TENA NA TENA NA TENA.....

Inawezekana ulifikiria kufanya biashara yako kwa namna fulani lakini matokeo hayakuwa kama ulivyo tarajia, au kusoma masomo fulani lakini hukufikia mafanikio uliyojiwekea, au kufanya kitu kingine chochote kile lakini matokeo yakawa tofauti.

Tumezoea katika jamii yetu wale wanaofanikiwa tu ndio wanaosifiwa. Wale wanaojaribu na kushindwa huwa ndio mfano wa kuwakatisha tamaa wale wenye ndoto za kufikia mafanikio. Lakini usiogope kwakua kushindwa kwako leo, ndio mafanikio yako kesho.
Kwanini nasema hivi.

Pale unapojaribu na kushindwa sio rahisi wewe kushindwa tena wakati mwingine kwa kigezo kile kilichosababisha ushindwe mara ya kwanza. Unapoendelea na safari yako ya mafanikio utakuwa makini na yale maeneo ambayo hayakuenda vizuri na kurekebisha ili kuzuia makosa ya awali kujitokeza tena. Kwa hiyo faida yake hapo ni kuwa na uzoefu.

Unaposhindwa unapata nafasi ya kupanua akili yako na kufikiri kwa ukubwa zaidi. Kwa kufikiri zaidi unaweza kupata kitu kipya kikubwa ambacho kitakuwa chanzo cha mafanikio yako.

Unachotakiwa kufanya pale unapoona umeshindwa sio kukata tamaa, ni kuangalia wapi ulikosea, kurekebisha na kusonga mbele. Kwa kukosea tunakua imara zaidi na tunafanya mambo kwa umakini zaidi. Lakini hii haina maana ukosee kwa kukusudia. Ukikosea kwa kukusudia ni dalili za uzembe. Na kwa kuwa mzembe mafanikio huwezi kupata..

Endelea kuongeza juhudi na maarifa katika kile unachokifanya. Usiogope kushindwa ni njia mojawapo ya kujifunza. Lakini tumia uwezo ulionao kutatua changamoto zozote unazokutana nazo na utafikia mafanikio.

Comments

Post a Comment

Popular posts from this blog

UFUGAJI BORA WA KUKU WA KIENYEJI

Image
SEHEMU YA KWANZA UTANGULIZI Napenda kumshukuru mwenyezi Mungu ambaye ameniwezesha kwa namna moja au nyingine kutoa mchango wangu kwa mtindo huu. Huu ni kama mwongozo tu wa nini utakabiliana nacho au unatakiwa kufanya katika zoezi zima la ufugaji wa kuku wa kienyeji. Nimeamua kuuleta kwenu ili kwa mtu mwenye malengo ya kufanikiwa kupitia ufugaji wa kuku ajue mlolongo mzima na changamoto ambazo atakabiliana nazo. A.KWA NINI KUKU WA KIENYEJI? 1. Wastahimilivu wa magonjwa lakini ni muhimu wakikingwa na magonjwa ya kuku kama mdondo, ndui ya kuku n.k ili kuweza kuwaendeleza. 2. Wana uwezo wa kujitafutia chakula ardhini. 3. Wana uwezo wa kuatamia mayai, kutotoa na kulea vifaranga na ustahimilivu wa mazingira magumu kama ukame, baridi n.k 4.Nyama na mayai yake vina ladha nzuri kuliko kuku wa kisasa.( PATA SUPU YA KUKU WA KIENYEJI ILI UTHIBITISHE) 5. Wana uwezo wa kujilinda na maadui kama mwewe n.k . Pamoja na sifa hizi ni muhimu muhimu kuku hao wakapewa matunzo mazuri, wakawekwa kwenye mab
Read more

YANGA YAPATA PIGO, KIPA WAKE NAMBA MOJA DEO MUNISHI AFIWA NA BABA YAKE

Image
1Mlinda lango namba moja wa Yanga Deogratius Munishi ‘Dida’ amefiwa na baba yake mzazi leo mchana, imeelezwa. Kwa mujibu wa taarifa iliyoandikwa kwenye ukurasa wa Facebook wa Naipenda Yanga bado chanzo cha kifo cha baba mzazi wa kipa huyo hakijawekwa wazi Taarifa hiyo inaeleza hivi: “TANZIA…Uongozi wa yanga unasikitika kutangaza kifo cha baba yake na mlinda mlango wetu deogratius munishi ‘Dida’. Baba yake na dida amefariki leo mchana! Mungu ailaze roho yake mahali pema peponi! Msiba utakua mikoroshini.Pumzika kwa amani mzee wetu. POLE SANA DEO MUNISHI ‘Dida’.” Hata hivyo katika mchezo wa leo Dida amecheza kwa umahiri mkubwa na kuisaidia timu yake kupata clean sheet.
Read more

Kwa Nini Watu Wengi Wanaamini Uchawi Unaleta Mafanikio?

Image
Katika wiki mbili zilizopita tuliona uhusiano kati ya uchawi na mafanikio na pia kwa nini waganga wanaweza kuwasaidia wengine kuwa matajiri wakati wao ni masikini. Katika makala hizi tuliona ni jinsi gani hata wewe unaweza kutumia mbinu hizo za kisaikolojia bila hata ya kuwa mchawi na ukaweza kufikia mafanikio makubwa. Kama hukupata nafasi ya kusoma makala hizo bonyeza hizo link kuzisoma. Leo tutajadili kwa nini watanzania wengi wanaamini uchawi unaleta mafanikio. Kwa nini tunashuhudia mauaji ya vikongwe na albino yakiendelea? Kwa nini kila siku tunaona mabango ya waganga wakijinadi kuweza kuwapatia watu utajiri na bahati? Na kwa nini kwenye jamii kila anayeonekana kuwa na mafanikio makubwa anaambiwa ni freemason? Kuna sababu kubwa tano zinazosababisha watu wengi kuamini kwenye uchawi na ushirikina. 1. Mila na desturi. Katika makabila mengi ya kitanzania kwa muda mrefu kumekuwa na mila ambazo watu hufanya ibada tambiko. Pia makabila mengine yana asili ya imani hizi za uchawi hivy
Read more