Mwanafunzi auawa kwa panga mkoani Mara.......



MWANAFUNZI Sarah Kisama aliyekuwa anasoma katika shule ya msingi Nyamuswa B, darasa la tatu, iliyoko tarafa ya Chamriho wilaya ya Bunda, mkoani Mara, ameuawa kwa kukatwa kwa panga na mwanamume aliyekuwa mpangaji kwenye nyumba yao.

Inadaiwa kuwa, awali mwanaume huyo ambaye jina lake halijafahamika kutokana na kutokuwa na siku nyingi nyumbani hapo, alianza kuua mbwa kwa kumchinja kwa panga na kisha akamuweka ndani ya begi la kutunzia nguo na kulitupa ndani ya chumba kimoja cha nyumba hiyo.

Ofisa Tarafa ya Chamriho, Boniphace Maiga, alisema tukio la kuuawa kwa mwanafunzi huyo lilitokea Agosti 23, mwaka huu, saa 1:30 usiku katika nyumba anayoishi mtoto huyo iliyopo kijiji cha Makongoro B, wilayani hapa.

Maiga alisema baada ya kumuua mtoto huyo mtu huyo alitorokea kusikojulikana na kwamba sasa anatafutwa na Polisi ili afikishwe kwenye vyombo vya sheria, kujibu tuhuma za mauaji.

Maiga akisimulia mkasa huo alisema mtuhumiwa alianza kumchinja mbwa na kisha kumhifadhi ndani ya begi alililolitupa chumbani na kwamba siku alipokamatwa na wananchi na kupelekwa katika Kituo cha Polisi Nyamuswa, aliamriwa aondoke kijijini hapo kwa sababu kitendo alichokifanya hakikuwa cha kiungwana.

“Kwanza kabla ya kuua mtoto, mtu huyo alichinja mbwa na kumhifadhi ndani ya begi na kulitupia ndani. Wananchi walimkamata na kumpeleka Polisi na akaamriwa aondoke kijijini hapo kutokana na tabia hiyo mbaya,” alisema.

Alisema kuwa mtu huyo aliondoka kijijini hapo, lakini baadaye alirejea nyumbani hapo na kufanya mauaji ya mtoto huyo na kisha akatoroka. Aidha alisema kuwa mtuhumiwa huyo alikuwa anafanya kazi ya kibarua cha ujenzi wa barabara inayojengwa kwa kiwango cha lami katika eneo hilo.

Katika tukio lingine mwanamume mmoja, Adamu Juma Kanyela (44) mkazi wa kijiji cha Salama Kati tarafa ya Chamriho wilayani hapa amemuua mke wake aitwaye Magiti Samwel (34) kwa kutumia fimbo. Alisema kuwa tukio hilo lilitokea Agosti 19, mwaka huu, alfajiri kijijini hapo na kwamba inadaiwa chanzo cha mauaji hayo ni wivu wa mapenzi.

Ilielezwa kuwa, baada ya mauaji hayo wananchi wa kijiji hicho walifanikiwa kumkamata mtuhumiwa na kumpeleka Polisi katika Kituo cha Nyamuswa. Polisi wilayani hapa imethibitisha matukio hayo.

Comments

Post a Comment

Popular posts from this blog

UFUGAJI BORA WA KUKU WA KIENYEJI

Image
SEHEMU YA KWANZA UTANGULIZI Napenda kumshukuru mwenyezi Mungu ambaye ameniwezesha kwa namna moja au nyingine kutoa mchango wangu kwa mtindo huu. Huu ni kama mwongozo tu wa nini utakabiliana nacho au unatakiwa kufanya katika zoezi zima la ufugaji wa kuku wa kienyeji. Nimeamua kuuleta kwenu ili kwa mtu mwenye malengo ya kufanikiwa kupitia ufugaji wa kuku ajue mlolongo mzima na changamoto ambazo atakabiliana nazo. A.KWA NINI KUKU WA KIENYEJI? 1. Wastahimilivu wa magonjwa lakini ni muhimu wakikingwa na magonjwa ya kuku kama mdondo, ndui ya kuku n.k ili kuweza kuwaendeleza. 2. Wana uwezo wa kujitafutia chakula ardhini. 3. Wana uwezo wa kuatamia mayai, kutotoa na kulea vifaranga na ustahimilivu wa mazingira magumu kama ukame, baridi n.k 4.Nyama na mayai yake vina ladha nzuri kuliko kuku wa kisasa.( PATA SUPU YA KUKU WA KIENYEJI ILI UTHIBITISHE) 5. Wana uwezo wa kujilinda na maadui kama mwewe n.k . Pamoja na sifa hizi ni muhimu muhimu kuku hao wakapewa matunzo mazuri, wakawekwa kwenye mab
Read more

YANGA YAPATA PIGO, KIPA WAKE NAMBA MOJA DEO MUNISHI AFIWA NA BABA YAKE

Image
1Mlinda lango namba moja wa Yanga Deogratius Munishi ‘Dida’ amefiwa na baba yake mzazi leo mchana, imeelezwa. Kwa mujibu wa taarifa iliyoandikwa kwenye ukurasa wa Facebook wa Naipenda Yanga bado chanzo cha kifo cha baba mzazi wa kipa huyo hakijawekwa wazi Taarifa hiyo inaeleza hivi: “TANZIA…Uongozi wa yanga unasikitika kutangaza kifo cha baba yake na mlinda mlango wetu deogratius munishi ‘Dida’. Baba yake na dida amefariki leo mchana! Mungu ailaze roho yake mahali pema peponi! Msiba utakua mikoroshini.Pumzika kwa amani mzee wetu. POLE SANA DEO MUNISHI ‘Dida’.” Hata hivyo katika mchezo wa leo Dida amecheza kwa umahiri mkubwa na kuisaidia timu yake kupata clean sheet.
Read more

Kwa Nini Watu Wengi Wanaamini Uchawi Unaleta Mafanikio?

Image
Katika wiki mbili zilizopita tuliona uhusiano kati ya uchawi na mafanikio na pia kwa nini waganga wanaweza kuwasaidia wengine kuwa matajiri wakati wao ni masikini. Katika makala hizi tuliona ni jinsi gani hata wewe unaweza kutumia mbinu hizo za kisaikolojia bila hata ya kuwa mchawi na ukaweza kufikia mafanikio makubwa. Kama hukupata nafasi ya kusoma makala hizo bonyeza hizo link kuzisoma. Leo tutajadili kwa nini watanzania wengi wanaamini uchawi unaleta mafanikio. Kwa nini tunashuhudia mauaji ya vikongwe na albino yakiendelea? Kwa nini kila siku tunaona mabango ya waganga wakijinadi kuweza kuwapatia watu utajiri na bahati? Na kwa nini kwenye jamii kila anayeonekana kuwa na mafanikio makubwa anaambiwa ni freemason? Kuna sababu kubwa tano zinazosababisha watu wengi kuamini kwenye uchawi na ushirikina. 1. Mila na desturi. Katika makabila mengi ya kitanzania kwa muda mrefu kumekuwa na mila ambazo watu hufanya ibada tambiko. Pia makabila mengine yana asili ya imani hizi za uchawi hivy
Read more