Wanaoficha fedha ni wahujumu uchumi - Wasomi



KUTOKANA na kauli ya Rais John Magufuli aliyoitoa juzi jijini Dar es Salaam kuwa anafahamu wapo wananchi wameficha fedha nyumbani, wachumi wametoa maoni yao na kusema hao ni wahujumu uchumi na wanapaswa kutafutwa na vyombo vya dola na washtakiwe.

Akitoa maoni yake jana jijini Dar Salaam, Mhadhiri Mwandamizi wa Masuala ya Uchumi wa Chuo Kikuu cha Dar es Salaam (UDSM), Dk Benson Bana alisema uhai wa uchumi ni uwepo wa mzunguko wa fedha za kutosha.

Dk Bana alisema uchumi wa taifa lolote ni lazima katika kazi na shughuli za kimaendeleo na kijamii fedha ziwepo ili kufanya mzunguko uongezeke na kukuza uchumi, lakini uchumi huathirika iwapo kutatokea watu wanauhujumu kwa njia mbalimbali.

“Baadhi ya watu wanaamua kuficha fedha na hiyo inaathiri mtiririko wa fedha na wanaleta mfumuko wa bei, hawa sasa wanafanya hila kuzorotesha uchumi,” alisema Dk Bana na kuongeza kuwa kama fedha ni halali, kwa nini mtu afiche na kusema kuwa benki ndio mahali pekee salama kwa kutunza fedha na kama wapo watu wanatoa fedha benki na kuzificha majumbani wana hila za kuhujumu uchumi.

Alifafanua kuwa katika uhai wa taifa lolote kukiwa na mzunguko wa fedha wa kutosha katika jamii, husaidia kuimarisha thamani ya fedha na kwamba kama mzunguko huo utaathiriwa kwa makusudi unaweza sababisha hali mbaya ya uchumi.

Hata hivyo, alisisitiza kuwa jambo la msingi la kufanya sio kuchapisha fedha mpya, bali ni kuhakikisha serikali inawabana wala rushwa na mafisadi ambao ndio wanachangia uchumi kuyumba.

Kwa upande wake, Mwenyekiti wa Jumuiya ya Wafanyabiashara Tanzania, Johnson Minja alisema wanaoficha fedha kwa makusudi ni wahujumu uchumi na wanapaswa kusakwa na kuchukuliwa hatua.

Minja alisema fedha sio mali ya mtu binafsi ni mali ya serikali na inapaswa kutumika kwa makusudi stahiki ambayo ni pamoja na kumwezesha mwananchi kufanya malipo mbalimbali na ndio maana fedha zote zina namba na saini ya waziri husika pamoja na gavana wa Benki Kuu.

“Watu waelewe kuwa fedha sio mali yao hata kama unazimiliki ni mali ya serikali na hupaswi kuzificha, ni lazima ziingie kwenye mzunguko wa fedha unapoficha ni kosa la kuhujumu uchumi na unapaswa kuchukuliwa hatua,” alisema Minja.

Alisema watu wanaoficha fedha nyumbani wengi wao ni wahalifu na wanafanya hivyo kwa sababu wanafahamu fedha hizo wamezipata isivyo halali na ni vyema vyombo vya uchunguzi nchini vikawamulika na kuwashughulikia kwa sababu wanahujumu uchumi kwa maslahi binafsi.

Hata hivyo, alisema pamoja ya kuwepo na tatizo hilo la baadhi ya watu kuficha fedha kwa makusudi, wapo pia wananchi walioficha fedha zao kwa sababu ya uelewa mdogo wa masuala ya fedha.

Alisema hivi sasa nchini kuna tatizo la kusuasua kwa mzunguko wa fedha unaosababishwa na kupanda kwa bei za kodi mbalimbali hivyo wananchi wana hofu ya kuagiza bidhaa nje kwa kuwa watashindwa kuuza kutokana na bei kuwa kubwa.

Alishauri serikali kuangalia jinsi ya kurudisha uchumi katika hali ya kawaida ili biashara zifanyike na watu waagize bidhaa nje.

Comments

Post a Comment

Popular posts from this blog

UFUGAJI BORA WA KUKU WA KIENYEJI

Image
SEHEMU YA KWANZA UTANGULIZI Napenda kumshukuru mwenyezi Mungu ambaye ameniwezesha kwa namna moja au nyingine kutoa mchango wangu kwa mtindo huu. Huu ni kama mwongozo tu wa nini utakabiliana nacho au unatakiwa kufanya katika zoezi zima la ufugaji wa kuku wa kienyeji. Nimeamua kuuleta kwenu ili kwa mtu mwenye malengo ya kufanikiwa kupitia ufugaji wa kuku ajue mlolongo mzima na changamoto ambazo atakabiliana nazo. A.KWA NINI KUKU WA KIENYEJI? 1. Wastahimilivu wa magonjwa lakini ni muhimu wakikingwa na magonjwa ya kuku kama mdondo, ndui ya kuku n.k ili kuweza kuwaendeleza. 2. Wana uwezo wa kujitafutia chakula ardhini. 3. Wana uwezo wa kuatamia mayai, kutotoa na kulea vifaranga na ustahimilivu wa mazingira magumu kama ukame, baridi n.k 4.Nyama na mayai yake vina ladha nzuri kuliko kuku wa kisasa.( PATA SUPU YA KUKU WA KIENYEJI ILI UTHIBITISHE) 5. Wana uwezo wa kujilinda na maadui kama mwewe n.k . Pamoja na sifa hizi ni muhimu muhimu kuku hao wakapewa matunzo mazuri, wakawekwa kwenye mab
Read more

YANGA YAPATA PIGO, KIPA WAKE NAMBA MOJA DEO MUNISHI AFIWA NA BABA YAKE

Image
1Mlinda lango namba moja wa Yanga Deogratius Munishi ‘Dida’ amefiwa na baba yake mzazi leo mchana, imeelezwa. Kwa mujibu wa taarifa iliyoandikwa kwenye ukurasa wa Facebook wa Naipenda Yanga bado chanzo cha kifo cha baba mzazi wa kipa huyo hakijawekwa wazi Taarifa hiyo inaeleza hivi: “TANZIA…Uongozi wa yanga unasikitika kutangaza kifo cha baba yake na mlinda mlango wetu deogratius munishi ‘Dida’. Baba yake na dida amefariki leo mchana! Mungu ailaze roho yake mahali pema peponi! Msiba utakua mikoroshini.Pumzika kwa amani mzee wetu. POLE SANA DEO MUNISHI ‘Dida’.” Hata hivyo katika mchezo wa leo Dida amecheza kwa umahiri mkubwa na kuisaidia timu yake kupata clean sheet.
Read more

Kwa Nini Watu Wengi Wanaamini Uchawi Unaleta Mafanikio?

Image
Katika wiki mbili zilizopita tuliona uhusiano kati ya uchawi na mafanikio na pia kwa nini waganga wanaweza kuwasaidia wengine kuwa matajiri wakati wao ni masikini. Katika makala hizi tuliona ni jinsi gani hata wewe unaweza kutumia mbinu hizo za kisaikolojia bila hata ya kuwa mchawi na ukaweza kufikia mafanikio makubwa. Kama hukupata nafasi ya kusoma makala hizo bonyeza hizo link kuzisoma. Leo tutajadili kwa nini watanzania wengi wanaamini uchawi unaleta mafanikio. Kwa nini tunashuhudia mauaji ya vikongwe na albino yakiendelea? Kwa nini kila siku tunaona mabango ya waganga wakijinadi kuweza kuwapatia watu utajiri na bahati? Na kwa nini kwenye jamii kila anayeonekana kuwa na mafanikio makubwa anaambiwa ni freemason? Kuna sababu kubwa tano zinazosababisha watu wengi kuamini kwenye uchawi na ushirikina. 1. Mila na desturi. Katika makabila mengi ya kitanzania kwa muda mrefu kumekuwa na mila ambazo watu hufanya ibada tambiko. Pia makabila mengine yana asili ya imani hizi za uchawi hivy
Read more