Mbowe: Sidaiwi na NHC, Namiliki Jengo kwa Asilimia 75 Kuanzia Mwaka 1997


 Mwenyekiti wa Chama cha Demokrasia na Maendeleo (CHADEMA), Mhe. Freeman Mbowe amekana kudaiwa kiasi chochote na Shirika la Nyumba la Taifa (NHC) akisema katika jengo hilo la Bilicanas la jijini Dar es Salaam, yeye si mpangaji bali ni mmiliki mwenza wa NHC.

Alisema anamiliki jengo hilo kwa asilimia 75 tangu mwaka 1997 na kinachofanywa na shirika hilo la umma kinasimamiwa na viongozi wa dola kwa kuwa yeye ni mpinzani.

“Mimi sidaiwi na NHC na madai yanayofanyika hayapo kisheria bali ni uharibifu wa makusudi unaolenga kunikomoa ambao unatokana na msimamo wangu kisiasa” alisema Mbowe.

Alisema kuzongwazongwa huko ni kwa kuwa yeye ni mpinzani na kabla upinzani haujawa mkubwa alikuwa hafanyiwi hivyo.

Kama ni kudaiwa, Serikali ina madeni, wafanyabiashara wana madeni lakini hawajafanyiwa kama anachofanyiwa Mbowe. Kwa nini Freemedia iwe ya kwanza kushambuliwa kwa kutoa kompyuta zake nje na kujaribu zake nje na kujaribu kuzikagua kwa ndani zina nini? Mbowe alihoji.

Aliongeza kuwa si lazima kutoa vitu vya mdaiwa nje, bali vinaweza vikafungiwa ndani akapewa muda wa kulipa deni analodaiwa na anaposhindwa ndipo vitu vinapigwa mnada vikiwa mlemle ndani.

“Kama si siasa za majitaka inawezekana vipi deni mpaka kufikia zaidi ya bilioni na kwa kodi ipi ambayo nilitakiwa kulipa kwa mwaka au kwa mwezi?” alihoji huku akisema alianza kumiliki jengo hilo tangu mwaka 1997 hata kabla hajawa Mbunge wala mwenyekiti wa CHADEMA.

“Wanachokifanya ni kutokuheshimu mikataba na nyaraka za kisheria zinazoonyesha umiliki wangu katika jengo hilo, lakini vielelezo vyote ninavyo na haki yangu nitaipata mahakamani” alisema Mbowe

Kadhalika alisema nina miradi mingi ndani na nje ya nchi na kudhibiti mradi mmoja haikwamishi nia yake ya kupigania haki. “Hata maandiko yanasema mtu hataishi kwa mkate pekee” alisema.

Alipoulizwa kwamba kulikuwa na kesi ambayo ameshindwa kama inavyoelezwa na Serikali na Uongozi wa NHC, Mbowe alisema “waulize hiyo kesi namba ngapi na ya lini. Jambo zito kama hilo linawezekanaje kuwa na kesi na wahusika wasifahamu? Tusubiri tuone”.

Hivi karibuni Ofisi za Gazeti la Tanzania Daima linalomilikiwa na Mbowe, zilizokuwa kwenye jengo la NHC maarufu kama Bilicanas vyombo vyake vilitolewa nje na madalali wa shirika hilo kwa kile kilichoelezwa kuwa Mbowe anadaiwa sh. bilioni 1.6 kama pango ya jengo hilo.

Comments

Post a Comment

Popular posts from this blog

UFUGAJI BORA WA KUKU WA KIENYEJI

Image
SEHEMU YA KWANZA UTANGULIZI Napenda kumshukuru mwenyezi Mungu ambaye ameniwezesha kwa namna moja au nyingine kutoa mchango wangu kwa mtindo huu. Huu ni kama mwongozo tu wa nini utakabiliana nacho au unatakiwa kufanya katika zoezi zima la ufugaji wa kuku wa kienyeji. Nimeamua kuuleta kwenu ili kwa mtu mwenye malengo ya kufanikiwa kupitia ufugaji wa kuku ajue mlolongo mzima na changamoto ambazo atakabiliana nazo. A.KWA NINI KUKU WA KIENYEJI? 1. Wastahimilivu wa magonjwa lakini ni muhimu wakikingwa na magonjwa ya kuku kama mdondo, ndui ya kuku n.k ili kuweza kuwaendeleza. 2. Wana uwezo wa kujitafutia chakula ardhini. 3. Wana uwezo wa kuatamia mayai, kutotoa na kulea vifaranga na ustahimilivu wa mazingira magumu kama ukame, baridi n.k 4.Nyama na mayai yake vina ladha nzuri kuliko kuku wa kisasa.( PATA SUPU YA KUKU WA KIENYEJI ILI UTHIBITISHE) 5. Wana uwezo wa kujilinda na maadui kama mwewe n.k . Pamoja na sifa hizi ni muhimu muhimu kuku hao wakapewa matunzo mazuri, wakawekwa kwenye mab
Read more

YANGA YAPATA PIGO, KIPA WAKE NAMBA MOJA DEO MUNISHI AFIWA NA BABA YAKE

Image
1Mlinda lango namba moja wa Yanga Deogratius Munishi ‘Dida’ amefiwa na baba yake mzazi leo mchana, imeelezwa. Kwa mujibu wa taarifa iliyoandikwa kwenye ukurasa wa Facebook wa Naipenda Yanga bado chanzo cha kifo cha baba mzazi wa kipa huyo hakijawekwa wazi Taarifa hiyo inaeleza hivi: “TANZIA…Uongozi wa yanga unasikitika kutangaza kifo cha baba yake na mlinda mlango wetu deogratius munishi ‘Dida’. Baba yake na dida amefariki leo mchana! Mungu ailaze roho yake mahali pema peponi! Msiba utakua mikoroshini.Pumzika kwa amani mzee wetu. POLE SANA DEO MUNISHI ‘Dida’.” Hata hivyo katika mchezo wa leo Dida amecheza kwa umahiri mkubwa na kuisaidia timu yake kupata clean sheet.
Read more

Kwa Nini Watu Wengi Wanaamini Uchawi Unaleta Mafanikio?

Image
Katika wiki mbili zilizopita tuliona uhusiano kati ya uchawi na mafanikio na pia kwa nini waganga wanaweza kuwasaidia wengine kuwa matajiri wakati wao ni masikini. Katika makala hizi tuliona ni jinsi gani hata wewe unaweza kutumia mbinu hizo za kisaikolojia bila hata ya kuwa mchawi na ukaweza kufikia mafanikio makubwa. Kama hukupata nafasi ya kusoma makala hizo bonyeza hizo link kuzisoma. Leo tutajadili kwa nini watanzania wengi wanaamini uchawi unaleta mafanikio. Kwa nini tunashuhudia mauaji ya vikongwe na albino yakiendelea? Kwa nini kila siku tunaona mabango ya waganga wakijinadi kuweza kuwapatia watu utajiri na bahati? Na kwa nini kwenye jamii kila anayeonekana kuwa na mafanikio makubwa anaambiwa ni freemason? Kuna sababu kubwa tano zinazosababisha watu wengi kuamini kwenye uchawi na ushirikina. 1. Mila na desturi. Katika makabila mengi ya kitanzania kwa muda mrefu kumekuwa na mila ambazo watu hufanya ibada tambiko. Pia makabila mengine yana asili ya imani hizi za uchawi hivy
Read more